»Tik Tok antik« í Sjónleikarhúsinum í Havn

Tik Tok – facebook – instagram – twitter, vit royna at fylgja við, hóast tað ofta er ringt at sleppa tí sum var, og sum vit hildu var gott.

Sunnukvøldið 12. September fer Seniorbólkurin í Havnar Sjónleikarfelag á pallin. Tey siga soleiðis: 

 

»Vit hava í eina tíð hildið saman í okkara sosialu boblu í Sjónleikarhúsinum, og úrslitið er sýningin ”Tik Tok antik” – antik, tí vit vilja fegin siga okkara søgur beinleiðis av pallinum, heldur enn at fara á alnótina við teimum. Á skránni er ein samanseting av skemti og álvara – yrkjarar sum Martin Næs, Rói Patursson, Tove Ditlevsen, Bjørgfinnur Nielsen og Benny Andersen fáa lív á pallinum. Teirra tekstir verða saman við okkara egnu søgum og hugleiðingum, skemtivísum og sangum, ein lýsing av, hvussu tað er at koma upp í árini. Eisini hava vit onkra viðmerking til samfelagið í dag, har ferðin til tíðir er í so høg eftir okkara tykki.

 

Leikarar eru:

 

Oddvá Nattestad, Nora Bærentsen, Anna Olsen, Bergljót av Skarði, Gunhild Michelsen, Gunnvør Joensen, Karin Djurhuus, Tóri í Hoyvík, Pól Joensen og Hilmar Joensen

 

Súsanna Tórgarð hevur hjálpt okkum at seta skránna saman, og seta á pall.

 

Bjarni Lisberg situr við klaverið.

 

Suni Joensen hevur sett ljós

 

Í hugnaliga salinum sita áskoðararnir við café borð, og vit bjóða kaffi og okkurt søtt afturvið.

 

Mest lisið